عهدي بها قبل تلبس العبايه



عهـدي بهـا قــبل تلـبـس عبـايـه
وانا بعـد قبـل البـس شمـاغ وعقـال

طفليـن نتهجـى حــروف الكتـابـه
الله يامجـمـل سوالـيـف الاطـفــال

كانـت لنـا فـي كـل شـارع حكايـه
وكنـا نقـول علـوم ماهيـب تنـقـال

وكنـت اتقـاسـم مامعـاهـا معـايـه
من ( عسكريم ) التوت لـ(علك) بو ريال

وكانـت بعكسـي شاطـره بالقـرايـه
تقـرأ جـزء عـم وطــه والأنـفـال

وانـا لـك الله مـن مـواري غبـايـه
مدري ابو نقطـه هـو الـذال او الـدال

وكانـت لابويـه تشتكـي مـن شقايـه
وتعلمـه كيـف اربـط البـاب بحبـال

ياما على ظهـري كسـر مـن عصايـه
يقول لي : خلـك وانـا ابـوك رجـال

وامـي تقـول : ادع لولـدك الهـدايـه
خوفي يصيبـه كثـرة الضـرب بهبـال

لا شفتهـا مـع اول الــدرب جـايـه
مدري انا اللي ملـت والا الوطـا مـال

أحـس قلبـي يرتجـف فـي حشـايـه
ماكنـه الا الضيـف لا هـز فنـجـال

ياما عـن ( السعلـي ) تخبـت ورايـه
لا خوفوهـا فيـه ثـم شافـت ظــلال

تقـول خـلـك يــا(.......) معـايـه
واستانس العـب عندهـا دور الابطـال

واغـار حتـى مـن عيـون اصدقايـه
لاطالعوها قلـت تكفـووووون ياعيـال




أعجبتـــــــــــــــني مرررررره ونقلتها لكم ..

جبرنى الشوق


الله الله الله
قصيده رائعه رائعه رائعه
بكل ما تحملها هذه الكلمه
يسلم لنا ذوقك
وحسن اختيارك
ذوق رفيع مشاء الله
تقبلي تحياتي

يعطيك العافية

جبرني الشوق


الموضوع قد تم طرحة من قبل الاخت عذبة الروح


وأغار حتى من عيون اصدقايه.... لاطالعوها قلت : تكفون ياعيال...


يتم نقلة للمواضيع المكرره