السلام عليكم ورحمة الله وبركاته


اليوم جبتلكم مجموعة مختارة من الامثال اللبنانية التي توصف الحال والوضع بالاسرة والمجتمع




إن بزقنا لفوق ع شواربنا وإن بزقنا لتحت ع ذقنّا

إن ضبطت المَي بالغربال بتأمِّن المرا للرجّال

الإيد اللي ما فيك تعضها، بوسها وادعي عليها بالكسر

ابن الداية ما عليه مخبّاية

اذا بدّك تخرب بلاد، ادْعي عليها بكتر الرؤسا

اذا قلتلَّك تقبرني بتجيب المجرفة وبتطمني؟

بدّو من الذواق سبعة واق

البرطيل بيحلّ دكّة القاضي

بزقوا ع وِجّ النذل قال الدني عم بتشتّي

بيلهي الحمار عن عليقه

بينشرب مع المَي العكرة

تخانق البحر والريح طلعت الفلّة ع المركب

تْدَيَّن ودَيِّن، بتغرق ما بتبيِّن

تفركش برماد سيكارة

تلاتة ما بينطاقوا: الطق والنق والبق

تمسّك بنحسك لا يجيك انحس منو

تيتي تيتي، متل ما رحتِ متل ما جيتِ

جابوا الديب تيعلموه القراية قالوا له: قول ألف، قال: عنزة

جازة نصرانية: لا فراق الا بالخنَّاق

حاسبني مشمشة كل ساعة بتهزّ فيّ؟

حايص متل دجاجة بدها تبيض

حَطّوا ذنبة الكلب بالقالب اربعين سنة بقيت لَوقة

الرقّاصة الغشيمة بتتحجَّج بقشّة الحصيرة

شو بدي اترجى منك يا سفرجلة وكل عضة بغصّة؟

شو محسَّب الناس بطيخ؟

صاحبي وعيوني وصَوب الجيبة لا تقرِّب

طرشا ع الباب بتتنصَّت

طنجرة ولقيت غطاها

الفزع بيطيِّر الوجع

قاضي الاولاد شنق حالو

قال لو: حبني وخدلك جحش، قال لو: المحبة ما بتصير دحش

قالوا للبغل مين بيَّك؟ قال: الحصان خالي

كاسر إيدو وشاحد عليها

كل ما احتاجنا طنّوس منقلّو طنّوس حاف
وكل ما احتجنا طنّوس منقلّو تفضّل يا معلّم

كل مين لقاني أرملة كشَّف وإجاني هرولة

الكلب بيقول: يا الله يعيشوا وليداتهم ت آكل من ديَّاتهم، والبسين بيقول: الله يقطع وليداتهم ت اقعد بحضَيناتهم

لو شالوني من تحتو كنت قتلتو


اللي ما فيه لمرتو بيرجع لحماته


مات كلب المير، كل الناس عزّت فيه
مات المير ما حدا اهتم فيه

متل الزهر، بيغيب سنة وبيحضر شهر

مش عارف من العشق إلا كلمة وحشتونا

هدية المقرف بصل

يا رب ما تجعلني عبرة لغيري

يلعن ابو اللي تزوّج قبلي وما نصحني
ويلّي تزوّج بعدي وما استنصحني

يلّي خاف من العروس ما جاب ولاد

يوم عرسه وجعه ضرسه




والي ما فهم شي كلمة ممكن اشرحله اياها اذا بده

وبتمنى يكونوا عجبوكم

عزيزتي / لووونا


وعليكم السلام ورحمه الله وبركاته


تسلمين حلووووووووه


ههههههههههههههههههههههه ماااااااااااعرفنا



كل ما احتاجنا طنّوس منقلّو طنّوس حاف
وكل ما احتجنا طنّوس منقلّو تفضّل يا معلّم

كل مين لقاني أرملة كشَّف وإجاني هرولة


بانتظار منك الجديد والمزيد



احترامي لك

ولك يسلمووو على هيك امثــــال

لوناا هادي مافهمتا

كل ما احتاجنا طنّوس منقلّو طنّوس حاف
وكل ما احتجنا طنّوس منقلّو تفضّل يا معلّم

اشرحيها ازا سمحتي

الله الله يا لونا

من فين جايبة هالامثال ههههههههههههه

في منها اول مرة بسمع فيها ..

ومنها قريتها اكثر من مرة علشان افهمها ..

بس بشكل عام كلها بتجنن وحلوة ..

استمتعت جدا بوقوفي هنا ..

اقبلي مروري مع خالص شكري وتقديري لجمال اختيارك

اهلين اسير الله يسلمك يا رب

ونورتي الشوق موضوعي تسلميلي على هيك مرور

وبما انكما عندكما نفس المثل الي ما فهمتوه

رح اشرحلكم هو

كل ما احتاجنا طنّوس منقلّو طنّوس حاف
وكل ما احتجنا طنّوس منقلّو تفضّل يا معلّم

اولا طنوس اسم

كل ما احتاجنا طنوس بنقله طنوس بس يعني بدون القاب
وكل ما نحنا احتجنا طنوس منقلو تفضل يا معلم

اظن صار واضح هلء

واكرر الشكر لكما على المرور

هههههههههههه ريانة والله حتى انا في امثال اول مرة بسمعها

بس اسعدني انني وفقت باضامة شيء جديد وممتع في نفس الوقت

تسلميلي يا رب على هالطلة الروعة

ههههههههههههههههههههههه

عن جد أمثااال حلوة ومعبرـرة

الله يعاافيك لوناا على ماا طرحتي هناا

ووبصرااحة اناا ماا فهمت بعضهاا لكن بتفحص المعااني إنشااء الله

بس هذا المثل الي ماا مشى معي ولا فهمت حرف هع


[[تلاتة ما بينطاقوا: الطق والنق والبق]]


الرجااء توضيح المثل خخخخخخ


منتظرينك لوناا

حبي وودي

امثال غريبة لونا

اول اسمع عن الكثير منها


يبغالك تترجميها لنا وتقولي منى تنقال علشان نفهمها

يسلموا على اختيارك الرائع والمميز